នារីម្នាក់កំពុងបើករថយន្តលឿនដូចហោះ ត្រូវប៉ូលិសចរាចរស្ទាក់ហៅឱ្យឈប់ រួចសួរកប័ណ្ណបើកបរព្រោះបើកលឿនហួសល្បឿនកំណត់ តែនារីម្ចាស់រថយន្តតប៖
-ជម្រាបលោកប៉ូលិស ពេលនេះខ្ញុំគ្មានប័ណ្ណបើកបរបង្ហាញលោកទេ ព្រោះគេដកហូតវាពេលខ្ញុំបើករថយន្តទាំងស្រវឹងស្រា ជាលើកទីបួនបាត់ទៅហើយ ។
ភ្នាក់ងារប៉ូលិសមើលមុខនាងរួចចង្កត់សំឡេង៖
-អីយ៉ា, រឿងនេះកាន់តែមិនស្រួលហើយ ។ អ៊ីចឹងយកលិខិតរថយន្តមកមើល ?
-លិខិតទិញរថយន្តអត់មានដូចគ្នា ព្រោះរថយន្តមួយគ្រឿងនេះ មិនមែនរបស់ខ្ញុំផង ។ ខ្ញុំប្លន់នៅរមណីយដ្ឋានមួយ។ សពម្ចាស់រថយន្តនៅក្នុងឃ្លុបរថយន្តមិនទាន់មានពេលយកទៅចោលនៅឡើយទេ ។
ភ្នាក់ងារប៉ូលិសភ្ញាក់ថយក្រាក ដៃម្ខាងត្រៀមដកកាំភ្លើង ដៃម្ខាងទៀតលើវិទ្យុទាក់ទងហៅកម្លាំងជំនួយ ។ មិនយូរប៉ុន្មានលេចប៉ូលិសចរាចរ១០នាក់ទៀតមកដល់ ។ លោកប្រធានក្រុមដើរចូលដោយប្រុងប្រយ័ត្ន ដៃស្តាំគាត់ដាក់ក្បែរកាំភ្លើងសៀតនៅចង្កេះជានិច្ច ខណៈភ្នែកទាំងគូពិនិត្យមើលកាយវិការនាងជាប់រហូតឱ្យតែមិនស្រួលបាញ់ភ្លាម ។ លុះទាំងសងខាងនៅឃ្លាតពីគ្នាប្រហែលប្រាំម៉ែត្រគាត់និយាយ៖
-ភ្នាក់ងារខាងណោះរាយការណ៍ថា ក្នុងឃ្លុបឡានអ្នកនាងមានសពមនុស្ស សូមនាងបើកឃ្លុបឡានឱ្យពួកខ្ញុំត្រួតពិនិត្យបន្តិច ។
នារីម្ចាស់រថយន្តប្រញាប់ប្រញាល់ធ្វើតាមការស្នើសុំ បើកឃ្លុបរថយន្តទាំងមុខក្រោយ ។ ប្រធានក្រុមប៉ូលិសចរាចរបើកភ្នែក្រឡង់ ព្រោះអត់ឃើញអ្វី សូម្បីឈាមមួយដំណក់ក៏គ្មានផង កុំថាឡើយដល់សពមនុស្ស ។ ដោយមិនឃើញអីសោះ គាត់មិនអស់ចិត្ត ក៏បន្ត៖
-ខ្ញុំសុំមើលប័ណ្ណបើកបរ និងលិខិតទិញរថយន្ត ។
នារីម្ចាស់រថយន្តបើកកាបូបលូកយកលិខិតទាំងពីរជូនប៉ូលិសតាមការស្នើសុំ ។ នាងបង្ហាញអាកប្បករិយាធម្មតា ហាក់ដូចអត់ដឹងមានរឿងអ្វីកើតសោះ ។ ម្តងនេះលោកប្រធានក្រុមប៉ូលិសចរាចរបន្ទាបសំឡេង៖
-សូមអ្នកនាងអភ័យទោសផង ខ្ញុំមិនដឹងគួរនិយាយយ៉ាងមិចទេ ។ លោកខាងណោះរាយការណ៍ប្រាប់ខ្ញុំថា អ្នកនាងអត់មានប័ណ្ណបើកបរ អត់មានលិខិតទិញរថយន្ត មិនតែប៉ុណ្ណោះក្នុងឃ្លុបរថយន្តអ្នកនាងមានសពមនុស្សទៀត ។
នារីម្ចាស់រថយន្តសើចញាក់ស្មាបន្តិច៖
-ប្រហែលគាត់រាយការណ៍ជម្រាបលោកថា ខ្ញុំបើករថយន្តលើសល្បឿនកំណត់ទៀត មែនទេ?
Reference: http://kohsantepheapdaily.com.kh/article/32805.html
Subscribe to:
Post Comments (Atom)
New page is loading…
I’ve been through a path I chose myself, my professional journey. I believed I would deliver the best result and met my stakeholder’s expect...
-
My collections of Khmer Painting about countryside... I love everything of them and I'm so pleased to share... ... -
hehehe.... of course, such so funny of these below quotes about your crushes... Admit it! You really feel so at some edges of your life and ... -
O riginal page: https://astrotalk.com/astrology-blog/most-intelligent-and-dumb-zodiac-sign/ 1. Scorpio Zodiac Sign (23Oct- 21Nov) Scor...
No comments:
Post a Comment